ANCHORAGE – Trump mbërrin në Alaska për samitin me Putinin
ANCHORAGE (SHBA), 15 gusht /ATSH-AFP/ – Avioni ”Air Force One” i presidentit të SHBA-së, Donald Trump sapo u ul sot në bazën ajrore ”Elmendorf-Richardson” në Alaska, ku është planifikuar të takohet me homologun e tij rus Vladimir Putin për një samit historik që mund të vulosë fatin e Ukrainës së shkatërruar nga lufta.
Ky samit, në kufirin e Shteteve të Bashkuara, i ofron udhëheqësit rus një rikthim dramatik në skenën diplomatike, pasi ai do të përshëndetet nga vetë Donald Trump pas mbërritjes./ a.jor.