Al Sharpton: Trumpit i pëlqen të nxisë “flakët racore”

Udhëheqësi i të drejtave civile Al Sharpton në fjalën e tij në natën e katërt të Konventës Kombëtare Demokrate, në emër të organizatës së tij Rrjeti Kombëtar i Veprimit në Konventën Kombëtare Demokratike, deklaroi se Donald Tramp (Trump) nxit flakët racore.

“Në njërën anë të kësaj gare, është Donald Trump, një koleg njujorkez që e njoh prej 40 vitesh. Vetëm një herë, një herë, në atë kohë ai mori një qëndrim për çështjet racore. Ai shpenzoi një pasuri në reklama në faqe të plota duke bërë thirrje për ekzekutimin e pesë adoleshentëve të pafajshëm… Do të dëgjoni nga ata sonte sepse nuk u ekzekutuan. Ata janë këtu për të vazhduar luftën. Por ishte aty ku pashë që Trump i pëlqente të nxiste flakët racore. Nga ana tjetër, është një grua me të cilën kam ecur në Selma, Alabama, për të përkujtuar 59-vjetorin e ‘E Dielës së Përgjakshme’”, u shpreh ai, ndërsa iu referua gjithashtu vërejtjeve të fundit që Trump bëri në konferencën e Shoqatës Kombëtare të Gazetarëve të Zi, duke thënë se ish-presidenti refuzoi “të kërkonte falje për pretendimet se migrantët po merrnin “punë të zeza”.

Sharpton tha se Harris po vazhdon trashëgiminë e Shirley Chisholm, gruaja e parë me ngjyrë që kandidoi për presidente.

“E di që ajo po na shikon sonte teksa një grua e zezë ngrihet për të pranuar nominimin për President të Shteteve të Bashkuara”, deklaroi ai.

/rtsh.al/