BRUKSEL – BE: Lajmet nga LM thellësisht alarmante, diplomacia e vetmja rrugë
BRUKSEL, 13 qershor /ATSH-ANSA/ – Lajmet që vijnë nga Lindja e Mesme janë thellësisht alarmante dhe Evropa u bën thirrje të gjitha palëve të ushtrojnë vetëpërmbajtje maksimale, të ulin menjëherë tensionin dhe të përmbahen nga hakmarrja, deklaroi presidentja e Komisionit Evropian, Ursula von der Leyen.
”Një zgjidhje diplomatike është tani më urgjente se kurrë, për hir të stabilitetit rajonal dhe sigurisë globale”, shtoi von der Leyen.
”Situata në Lindjen e Mesme është e rrezikshme. U bëj thirrje të gjitha palëve të ushtrojnë vetëpërmbajtje dhe të parandalojnë përshkallëzimin e mëtejshëm. Diplomacia mbetet rruga më e mirë përpara dhe jam e gatshme të mbështes çdo përpjekje diplomatike që synon uljen e tensionit”, shkroi në X nga përfaqësuesja e Lartë e BE-së, Kaja Kallas./ /os/