BRUKSEL – NATO nis manovrat bërthamore “Steadfast Noon”

BRUKSEL, 13 tetor  /ATSH-DPA/ – NATO ka nisur manovrat  e saj vjetore për të praktikuar mbrojtjen e territorit të aleancës me armë bërthamore, njoftoi sot Aleanca e Atlantikut Verior.

Rreth 2 000 pjesëtarë të forcave ushtarake do të marrin pjesë në manovrat “Steadfast Noon” gjatë dy javëve të ardhshme.

Në manovra do të përdoren  rreth 70 avionë, përfshirë avionë luftarakë gjermanë të aftë për të transportuar bomba bërthamore amerikane të vendosura në Evropë.

Këtë vit, manovrat zhvillohen kryesisht mbi Detin e Veriut, ndërsa bazat ajrore “Volkel” në Holandë, “Kleine Brogel” në Belgjikë, “Lakenheath” në Angli dhe *Skrydstrup* në Danimarkë kanë role kryesore.

Forcat e armatosura gjermane po marrin pjesë me tre avionë “Tornado” të pajisur për të mbajtur bomba bërthamore amerikane dhe katër  aeroplane “Eurofighter”.

NATO theksoi se “Steadfast Noon” është një marrëveshje rutinë, jo një përgjigje ndaj shkeljeve të fundit të hapësirës ajrore nga Rusia apo provokimeve të tjera. Megjithatë, ajo synon të dërgojë një sinjal të qartë për Moskën se Aleanca është e përgatitur të mbrohet me armë bërthamore nëse është e nevojshme.

Stërvitja është e domosdoshme për të siguruar që parandalimi bërthamor të mbetet sa më i besueshëm dhe efektiv, deklaroi  të premten sekretari i përgjithshëm i NATO-s, Mark Rutte. /Ad.Ab./