Bashkëpunimi Kosovë-Gjermani, Osmani takon deputetët gjermanë
PRISHTINË, 24 tetor /ATSH/ Presidentja Vjosa Osmani gjatë qëndrimit në Berlin ka zhvilluar takime të ndara me deputetët gjermanë Johannes Volkmann dhe Roderich Kiesewetter, si dhe me Mark Speich, sekretarin e Përgjithshëm të Konrad, Adenauer Stiftung.
Në Berlin, në takime të ndara me deputetët gjermanë Johannes Volkmann dhe Roderich Kiesewetter, si dhe me Mark Speich, sekretarin e Përgjithshëm të Konrad Adenauer Stiftung, zhvilluam biseda të rëndësishme për bashkëpunimin dypalësh.
“Ritheksova përkushtimin e Kosovës për partneritet edhe më të ngushtë me Gjermaninë, nga siguria dhe mbrojtja, te zhvillimi ekonomik e inovacioni”, ka shkruar Osmani në Facebook.
Gjatë qëndrimit në Berlin, presidentja Osmani ka mbajtur fjalime në Institutin Aspen, Universitetin e Berlinit, në forumin “The Humboldt Speeches on Europe”, si dhe është takuar me mërgatën shqiptare në Berlin.
1 nga 6/Kosovapress/