FOKUS – Kievi: Mbi një milion trupa ruse janë vrarë ose plagosur në luftë

KIEV, 12 qershor /ATSH-DPA/ – Më shumë se një milion ushtarë rusë janë vrarë ose plagosur që nga pushtimi i plotë i Ukrainës nga Moska, deklaroi Shtabi i Përgjithshëm në Kiev.

Ai tha se ”1 000 340 ushtarë rusë kanë vdekur në betejë ose janë plagosur”.

Në një periudhë të vetme 24-orëshe, 1 140 ushtarë rusë u vranë ose u plagosën, duke e çuar numrin e të vdekurve mbi pragun psikologjikisht të rëndësishëm prej një milion, sipas Kievit.

Ukraina publikoi shifrën në Ditën e Rusisë, një festë kombëtare që feston themelimin e Federatës Ruse pas rënies së Bashkimit Sovjetik.

Në prill, NATO vlerësoi numrin e viktimave ruse në rreth 900 000.

Një zyrtar i lartë i NATO-s tha se ”numri i të vdekurve ishte deri në 250 000”.

Rusia nuk publikon shifra të viktimave dhe shifrat ukrainase nuk mund të verifikohen. Vëzhgues të pavarur vlerësojnë se numri është më i ulët.

Këto shifra konsiderohen nga të dyja palët si të dobishme për qëllime propagande./  /os/