Festivali i Pranverës – Vesa Kelmendi fiton Çmimin “Pranvera Digjitale” me këngën “Mangupi”
Nata finale e Festivalit të Pranverës në Teatrin e Operas dhe Baletit solli një moment të veçantë, ku u shpall fituesja e Çmimit “Pranvera Digjitale”. Ky çmim iu dha këngëtares Vesa Kelmendi për interpretimin e saj me këngën “Mangupi”.
Çmimi u prezantua nga anëtarja e jurisë digjitale, Rizarta Hoxha, e cila theksoi se vendimi nuk ishte i lehtë për shkak të konkurrencës së fortë mes artistëve.
“Ishte një vendim shumë i vështirë për jurinë, por pas një vlerësimi të kujdesshëm, fituesja e çmimit ‘Pranvera Digjitale’ është Vesa Kelmendi me këngën ‘Mangupi’”, u shpreh Hoxha.
/rtsh.al/