Gripi, rriten rastet 30 paciente ne urgjence

Sonila Isaku
Rreth 30 paciente te prekur nga virozat gripale paraqiten cdo dite ne urgjencen e Tiranes. Sipas mjekeve, rastet jane me komplikacione te renda dhe kjo per shkak te temperaturave te uleta te ketyre diteve. “Kur ka luhatje te temperaturave dhe kur sidomos ato jane te uleta, si gjate ketyre tri diteve te fundit, vihet re nje fluks me i larte pacientesh. Gjate dites se shtune jane paraqitur 25 raste me viroza gripale si dhe me probleme te bronkopneumonise”, u shpreh per gazeten “Koha Jone”, shefi i urgjences se kryeqytetit, Murat Bala. Sipas tij, me te prekurit nga keto viroza jane te moshuarit, te cilet vuajne nga nje semundje kronike, si dhe femijet e vegjel. Per mjeket, kjo situate nuk mund te quhet epidemi, por pragu i saj. “Nese zakonisht ne kemi rreth 35 vizita ne dite, gjate ketyre diteve te fundit ky numer eshte dyfishuar nga ky kontingjent pacientesh te prekur nga virozat”, pohon Bala. Sipas tij, disa prej rasteve kane qene ne gjendje te rende me bronkopneumoni dhe me temperature te larte mbi 39 grade.
Per sa u perket simptomave, ato kane qene te ndryshme te pacientet. Por kryesisht te jane shoqeruar me dhimbje te kokes, temperature te larte, problem me frymemarrjen deri ne veshtiresi, bllokim te hundeve dhe kolle te forte. “Mund te themi se pacientet nuk shfaqin te njejtat probleme, ato jane te ndryshme dhe kjo varet te gjendja gripale qe po kalojne. Keshtu te semuret me rende kane temperature te larte dhe kolle te thate”, pohon shefi i urgjences se kryeqytetit.
Ndersa per sa u perket keshillave, sipas tij, rekomandohet qe te perdoren sa me shume lengje, kryesisht ato me permbajtje portokalli, pasi kane vitaminen qe lufton gripin. Keshillohet edhe marrja e paracetamolit per lehtesimin e dhimbjeve te kokes. Nje tjeter keshille eshte ajo e frekuentimit te ambienteve me ajer te paster, dhe jo frekuentim te kafeneve apo ambienteve ku pihet duhan. Per te evituar marrjen e kesaj semundjeje, mjeket keshillojne kufizimin e kontakteve ne ambientet kolektive si kopshte, cerdhe dhe qendra te punes, sepse virusi eshte ngjites. Nderkohe qe familjareve u kerkohet qe te mos perdorin te njejtat sende si peshqire, jasteke qe perdor edhe i semuri me grip.
“Jemi ne prag epidemie”
Sipas Institutit te Shendetit Publik gjendemi ne prag te fillimit te shperthimeve gripale, ku zakonisht kjo semundje fillon te shfaqet ne muajt nentor- dhjetor dhe arrin pikun e saj zakonisht ne periudhen shkurt- mars. Sipas ketij institucionie kete vit epidemia gripale ne vendin tone, mendohet se do te jete me e rende se ajo e nje viti me pare, ku u numeruan 10 mije raste. Mjeket epidemiologe te ISHP-se rekomandojne perdorimin e nevojshem te vaksines kunder gripit. Kjo duhet te kryhet tani ne kete muaj, pasi krijon mbrojtje te mjaftueshme nga gripi, pasi sipas ISHP-se komplikacionet shendetesore te shkaktuara nga gripi, nuk duhen neglizhuar. Keshillohet qe vaksina te mos kryhet gjate gjendjeve gripale pasi rendon shendetin e ketyre pacienteve.

Simptoma
Dhimbje te kokes
Temperature te larte
Problem me frymemarrjen
Bllokim te hundeve
Sekrecion te hundeve
Kolle te forte
Keshilla
Te perdoren lengje
Keshillohet paracetamoli
Frekuentimi i ambienteve me ajer te paster
Kufizimin e kontakteve ne ambientet kolektive
Higjiene e larte personale
Keshillim me mjekun e familjes