Pershkallezohet greva ne universitet

Tre nga deget me kryesore te Universitetit “Luigj Gurakuqi” kane bojkotuar mesimin, duke e pare si te vetmin mjet te realizimit te kerkesave te tyre. Shkak per greven eshte bere nje ristrukturim i mundshem i universitetit, sipas te cilit dege dhe fakultete te ndryshme do te njesohen. Ndersa pasditen e te merkures, Ministria e Arsimit eshte terhequr nga vendimi i saj per shkrirjen e dy fakulteteve, dhe konkretisht te Drejtesise e te Gjuheve te Huaja te premten filloi greva e radhes. Kesaj here kane qene studentet e Infermierise, ata qe kane ngritur zerin. Rebelimi ne mase i studenteve si dhe stafit drejtues te Universitetit “Luigj Gurakuqi”, te cilet kercenuan se do te hidheshin ne greve masive, nese do te realizoheshin dy vendimet e njepasnjeshme te marra ne fillimjave, ka detyruar kreret me te larte te Arsimit ne Tirane qe te reflektojne ne kohe. Ne fakt, vendimtare per anulimin e vendimeve ne fjale ka qene ndermjetesimi i ish-rektorit Mahir Hoti, i cili ka marre persiper zgjidhjen e problemit, qe u komentua se vinte ne udhekryq zhvillimin e universitetit. Profesor Hoti ka biseduar koke me koke me ministrin Genc Pollo, ku edhe ka kerkuar qe te mos cenohet statusi i dy fakulteteve. Nderkohe, Pollo ka garantuar ish-rektorin e Universitetit “Luigj Gurakuqi” se nuk do te behet shkrirja e Fakultetit te Drejtesise dhe te Gjuheve te Huaja. Me te marre OK-in, profesor Hoti u ka dhene lajmin e mire studenteve dhe pedagogeve te universitetit. Nderkaq, mengjesin e djeshem, Hoti ka bere nje takim me studentet, ku i ka njoftuar se kerkesat e tyre ishin marre parasysh nga Ministria e Arsimit. “Nuk do te kete ndryshime ne Universitetin e Shkodres. Ai do te kete te njejten strukture per sa u perket fakulteteve”, eshte shprehur Mahir Hoti.