Leku fiton terren ndaj valutave kryesore

TIRANË, 24 tetor /ATSH/ Në tregun e këmbimit valutor vendas, të premten leku fitoi pikë ndaj dollarit amerikan, euros dhe paundit britanik, ndërsa humbi terren ndaj frangës  zvicerane, krahasuar me një ditë më parë. Sipas kursit të këmbimit të Bankës së Shqipërisë, dollari amerikan këmbehet me 83,21 lekë ose 0,10 lekë më pak se një ditë më parë.

Monedha europiane humbi terren lehtë me 0,01 lekë dhe këmbehet me 96,61 lekë.

Paundi britanik u zhvlerësua me 0,40 lekë dhe këmbehet me 110,81 lekë, ndërsa franga zvicerane u forcua me 0,08 lekë dhe këmbehet në kotën e 104,54 lekëve.

Banka e Shqipërisë vlerëson se, forcimi i lekut është një tregues i ekonomisë së qëndrueshme dhe të strukturuar.

Sipas BSH-së, forcimi i lekut shihet si një zhvillim i shëndetshëm dhe i qëndrueshëm, i mbështetur nga kushtet reale të ekonomisë. Ky forcim reflekton një ekonomi të strukturuar, ku rritja e konsumit shoqërohet me zgjerimin e investimeve të huaja.

Gjithashtu vërejnë ata, Shqipëria po përfiton nga prurjet e huaja dhe flukset e turizmit, të cilat vazhdojnë të jenë të larta edhe jashtë sezonit veror, duke shtuar ofertën e monedhave të huaja në treg dhe duke kontribuar kështu në forcimin e pozitës së lekut.

Monedha kryesore			Lekë për njësi të monedhës së huaj
Dollar amerikan	USD	83.21	-0.10
Euro	EUR	96.61	-0.01
Poundi britanik	GBP	110.81	-0.40
Franga zvicerane	CHF	104.54	+0.08
Jeni japonez (100)	JPY	54.41	-0.19
Dollari australian	AUD	54.03	-0.17
Dollari kanadez	CAD	59.34	-0.20
Korona suedeze	SEK	8.87	+0.02
Korona norvegjeze	NOK	8.31	-0.03
Korona daneze	DKK	12.93	-0.01
SDR	SDR	113.28	-0.16
Ari (OZ 1)	XAU	338600.63	-4,806.04
Argjendi (OZ 1)	XAG	4006.56	-95.41
Juani kinez (onshore)	CNY	11.68	-0.02
Juani kinez (offshore)	CNH	11.68	-0.01
Lira turke	TRY	1.98	0.00

/j.p/r.e/