Lirohet nga detyra zëvendësministri i Brendshëm, Julian Hodaj

TIRANË, 12 dhjetor/ATSH/ Këshilli i Ministrave vendosi lirimin nga detyra të zëvendësministrit të Brendshëm, Julian Hodaj.

Vendimi u mor me propozim të Kryeministrit dhe bazohet në dispozitat për organizimin dhe funksionimin e Këshillit të Ministrave.

Lirimi i tij nga detyra hyn në fuqi menjëherë dhe vendimi do të botohet në Fletoren Zyrtare.

Julian Hodaj mbante postin e zëvendësministrit të Punëve të Brendshme që nga 9 tetori 2017. /j.p/