Malësi e Madhe, arrestohet doganieri 41-vjeç

Malësi e Madhe- Lejoi të kalonte një automjet pa u zhdoganuar në doganë dhe përfundoi në pranga.

Sipas burimeve zyratre të policisë mësohet se Fatmir Curri, 41-vjeç, doganiar në doganën e Hanit të Hotit u ndalua me akuzën e “shpërdorimit të detyrës”.

I ndaluari, lindur e banues në Dobraç, Shkodër, është arrestuar në flagrancë të enjten, pasi duke qenë me detyrën e doganierit kontrollor në Doganën e Hanit të Hotit, ka lejuar të kaloje një automjet tip “Benz 240”, me targa SH 8849 D, i ngarkuar me 99 kg pluhur larës dhe 70 kg sheqer, pa paguar detyrimet përkatëse.

Sipas policisë, u arrestua edhe drejtuesi i automjetit, shtetasi Selim Dibra, 58-vjeç, lindur e banues në qytetin e Shkodrës, i cili ka kaluar kontrabandë në Doganën e Hanit të Hotit mallrat pa paguar detyrimet doganore.

Materialet në ngarkim të shtetasit Fatmir Curri i kaluan Prokurorisë së Rrethit Gjyqësor Shkodër për vepren penale të “Shpërdorimit të detyrës” dhe për shtetasin Selim Dibra, për vepren penale të “Kontrabandës me mallra të tjerë”.