Merz: Nuk varemi vetëm nga SHBA-ja dhe Kina, kemi 450 milionë konsumatorë! Mos i nënvlerësoni mundësitë e Europës

Kancelari i Gjermanisë, Friedrich Merz, theksoi sot se Evropa nuk varet ekskluzivisht nga SHBA-ja, Kina dhe vendet e tjera, ndërsa nënvizoi: “Mos i nënvlerësoni mundësitë tona dhe mos e nënvlerësoni se sa të varur janë të tjerët nga ne”.

Siç theksoi kancelari gjerman, Evropa, me 450 milionë konsumatorë, zotëron një nga tregjet e vetme më të mëdha në botë.

Gjithashtu, Merz deklaroi se: “Ne kemi industri, kemi programe kompjuterike, kemi industri të mikroçipave dhe kemi një prodhimtari në Evropë që është e domosdoshme për të gjithë botën”.

Evropa nuk duhet t’u lejojë të tjerëve të përcaktojnë teknologjinë

Paralelisht, kancelari gjerman theksoi se “Evropa nuk duhet t’u lërë të tjerëve pushtetin për të përcaktuar teknologjinë”.

“Së bashku me investitorët privatë, duam të zhvillojmë modele evropiane të pavarura dhe të avancuara të inteligjencës artificiale. Në këtë mënyrë, sigurojmë themelet teknologjike të lirisë sonë”, u shpreh ai.