Presidenti Topi priti një përfaqësi të familjeve të prekura nga tragjedia e Gërdecit.
14 prill 2008
Presidenti i Republikës, Bamir Topi priti sot në Presidencë një përfaqësi të punonjësve të fabrikës së çmontimit të Gërdecit dhe e familjarëve të tyre që u prekën nga shpërthimi tragjik.
Përfaqësia në emër të punonjësve dhe banorëve të Gërdecit e fshatrave përreth, që u prekën nga shpërthimi tragjik i 15 marsit, e njohu Kreun e shtetit me problemet dhe pasojat me të cilat po përballen në jetën e tyre të përditshme duke kërkuar një zgjidhje sa më të shpejtë dhe të drejtë të kësaj situate të vështirë.
Presidenti Topi, pasi i dëgjoi me vëmendje shqetësimet e përfaqësisë, u shpreh se është detyrim institucional dhe njerëzor njëkohësisht për t’u ofruar gjithë mbështetjen e mundshme për normalizimin dhe zgjidhjen sa më të shpejtë dhe transparente të situatës.
Kryetari i shtetit dha udhëzimet e nevojshme në mënyrë që të sensibilizohen menjëherë të gjitha strukturat përkatëse dhe të prekurit nga shpërthimi i Gërdecit të marrin sa më shpejt një informacion të sinqertë, korrekt dhe transparent.
Presidenti i Republikës, Bamir Topi priti sot në Presidencë një përfaqësi të punonjësve të fabrikës së çmontimit të Gërdecit dhe e familjarëve të tyre që u prekën nga shpërthimi tragjik.
Përfaqësia në emër të punonjësve dhe banorëve të Gërdecit e fshatrave përreth, që u prekën nga shpërthimi tragjik i 15 marsit, e njohu Kreun e shtetit me problemet dhe pasojat me të cilat po përballen në jetën e tyre të përditshme duke kërkuar një zgjidhje sa më të shpejtë dhe të drejtë të kësaj situate të vështirë.
Presidenti Topi, pasi i dëgjoi me vëmendje shqetësimet e përfaqësisë, u shpreh se është detyrim institucional dhe njerëzor njëkohësisht për t’u ofruar gjithë mbështetjen e mundshme për normalizimin dhe zgjidhjen sa më të shpejtë dhe transparente të situatës.
Kryetari i shtetit dha udhëzimet e nevojshme në mënyrë që të sensibilizohen menjëherë të gjitha strukturat përkatëse dhe të prekurit nga shpërthimi i Gërdecit të marrin sa më shpejt një informacion të sinqertë, korrekt dhe transparent.