RUSI – Moska dënon sulmin e SHBA-së ndaj objekteve bërthamore të Iranit

MOSKË, 22 qershor /ATSH-DPA/ – Rusia ka “dënuar me forcë” sulmet e SHBA-së ndaj objekteve bërthamore iraniane.

“Vendimi i papërgjegjshëm i Shteteve të Bashkuara për të bombarduar Iranin shkel ligjin ndërkombëtar dhe Kartën e Kombeve të Bashkuara”, deklaroi sot Ministria e Jashtme ruse.

”Këshilli i Sigurimit i OKB-së duhet t’i përgjigjet kësaj”, tha ajo, duke shtuar se ”sulmi ka dëmtuar gjithashtu mospërhapjen bërthamore”.

Moska tha se ”për këtë arsye pret një përgjigje të qartë nga Agjencia Ndërkombëtare e Energjisë Atomike (IAEA)”.

Brenda natës, SHBA-të sulmuan tre vende të programit bërthamor të Iranit, përfshirë edhe me bombardues me rreze të gjatë veprimi.

Ministri i Jashtëm iranian, Abbas Araghchi tha se do të udhëtojë për në Moskë për bisedime me presidentin rus Vladimir Putin.

Vetë Rusia ka zhvilluar një luftë të paligjshme kundër Ukrainës fqinje për më shumë se tre vjet./ a.jor.