“Taraboshi 2”, 4 ne pranga

Nje operacion i koordinuar i Policise se Shtetit, Prokurorise se Shkodres dhe Policise Tatimore ka angazhuar per disa ore rreth 100 efektive blu dhe 20 automjete. “Taraboshi 2” ka prangosur Dritan Frashnishten, 24 vjec, nga fshati Kamice, i rrethit Malesi e Madhe dhe Perparim Culaj, 32vjec, banues ne Koplik Qender, te rrethit Malesi e Madhe. Gjate kontrollit te ushtruar ne banesat e tyre, jane gjetur dhe sekuestruar cigare te llojeve te ndryshme pa pulle fiskale te Ministrise se Financave. Burime nga Policia e Shtetit bejne te ditur se gjate operacionit jane arrestuar edhe dy persona te shpallur ne kerkim. Esat Kukaj, 39vjec, nga Kopliku, kerkohej per vepren penale “Kontrabande me mallra qe paguhet akcize”, ndersa Aleksander Culaj, 38vjec, nga Bajza e Malesise se Madhe, ishte ne kerkim per vepren penale “kultivim i bimeve narkotike”. Sipas policise, ne kuader te ketij operacioni eshte bere kontrolli i gjithe vijes kufitare ne bregun e Liqenit te Shkodres, si dhe u ushtrua kontroll ne 25 banesa, 10 lokale, 10 garazhe dhe 30 mjete te ndryshme. Gjate kontrolleve u gjeten dhe sekuestruan ne cilesine e proves materiale 1173 steka cigare te llojeve te ndryshme.