VIDEO/ Makina përplas motoçikletën te kryqëzimi i Dajçit, 69-vjeçari përfundon në spital

Një aksident rrugor është shënuar mesditën e kësaj të mërkure në aksin Lezhë–Shkodër road, pranë kryqëzimit të Dajçit.

Sipas të dhënave të para, një automjet është përplasur me një motoçikletë.

Si pasojë e përplasjes, drejtuesi i motoçikletës ka mbetur i plagosur dhe është dërguar me urgjencë në spital për ndihmë mjekësore.

Në vendngjarje kanë shkuar menjëherë forcat e policisë, të cilat po punojnë për të sqaruar si ka ndodhur aksidenti dhe rrethanat e tij.

Njoftimi i Policisë:

Lezhë/Informacion paraprak

Në aksin rrugor “Lezhë-Mabë”, automjeti me drejtuese shtetasen I. B. është përplasur me motomjetin me drejtues shtetasin Z. B., rreth 69 vjeç.

Si pasojë është dëmtuar shtetasi Z. B., i cili është transportuar në spital dhe është jashtë rrezikut për jetën.

Nga kryerja e testit të alkoolit, shtetasi Z. B. rezultoi në gjendje të dehur. Po kryhen veprimet procedurale me këtë shtetas.

Grupi hetimor po punon për zbardhjen e rrethanave të aksidentit.