Zgjedhjet, kandidatet per dekane ne universitete

Luljeta Ndoka
Dekanet shpresojne te "shnderrohen" ne rektore dhe anasjellas. Ish-rektoret e universiteteve kane shpallur kandidaturat e tyre per autoritete drejtuese. Ata nuk do te jene me te paret, por vartes se ish-vartesve te tyre. Megjithate, ka edhe nga ata rektore qe kane vendosur te heqin dore nga deshira per te qene drejtues. Njeri prej tyre eshte ish-rektori i Universitetit Bujqesor te Tiranes, Velesin Peculi. Do te jem thjesht profesor. As dekan, as shef departamenti, por jam i nderuar te ushtroj profesionin tim te profesorit", tha Peculi per gazeten. Ndersa kryetari i Komisionit Qendror te Zgjedhjeve ne Institucionet e Arsimit te Larte (KQZI), Enver Roshi, shprehet se lista me kandidatet e plote do te afishohet me 17 dhjetor.
Riciklimi i posteve u jep te drejten autoriteteve aktuale drejtuese qe te permbyset pozicioni shef-vartes. I pari qe e ka zbatuar nje gje te tille eshte ish-rektori i Universitetit te Tiranes, Shezai Rrokaj. Ai kandidon per postin e dekanit te Fakultetit te Histori-Filologjise, i vetem. Te pakten deri tani. Ndersa edhe ish-rektori i Universitetit Politeknik, Perparim Hoxha, nuk e perjashton mundesine qe te shpalle kandidaturen per njerin prej fakulteteve te ketij Universiteti. Ish-rektori i Bujqesorit, Velesin Peculi, eshte "ngopur" me suksese gjate ushtrimit te postit te tij si drejtues i universitetit, qe ndodhet ne Kamze, ndaj as qe e ka marre mundimin qe te plotesoje formularin per te kandiduar. E ka vendosur: Do te jete thjesht profesor, jo vetem i universiteteve tona, por edhe te huaja.
Ndersa, per sa u perket kandidaturave te tjera per dekane, ato jane te shumta. Keshtu, ne Fakultetin e Gjuheve te Huaja kandidon per drejtuese Klodeta Dibra, ne Fakultetin e Mjekesise, ish-zv.dekania Anila Gode, Arjan Pushi dhe Eduard Harshova. Ne Fakultetin Ekonomik kandidon Omer Stringa, ndersa per Fakultetin e Historise dhe Filologjise, ish-rektori Shezai Rrokaj. Ne fakultetin e Infermierise i vetmi kandidat eshte Petrit Bare, ndersa sipas burimeve nga komisionet e zgjedhjeve ne fakultete, per Drejtesine kandidon Skender Kacupi. Fakulteti i Shkencave Sociale pritet te drejtohet nga Theodhori Karaj.

C'ndodh me ish-rektoret:
Shezai Rrokaj (UT), kandidat per dekan
Perparim Hoxha (UPT), kandidat per dekan
Velesin Peculi (UBT), nuk do te kandidoje

Kandidatet per dekane
Fakulteti i Mjekesise: Anila Gode, Arjan Pushi, Eduard Harshova
Fakulteti Ekonomik: Omer Stringa
Fakulteti Shkenca Sociale: Theodhori Karaj
Fakulteti Histori-Filologji: Shezai Rrokaj
Fakulteti i Infermierise: Petrit Bare
Fakulteti i Drejtesise: Skender Kacupi