14 të vdekur pas një aksidenti në Ukrainë

Katërmbëdhjetë persona kanë vdekur, ndërsa 22 të tjerë janë lënduar, kur një autobus që transportonte pelegrinë rusë u rrëzua në veri të Ukrainës.

Autoritetet ukrainase njoftuan se autobusi, që mbante 41 njerëz ka rënë në hendek në autostradën Chernihiv-Kiev.

Autobusi lëvizte nga Velikie Luki i Rusisë për në Manastirin Poçaiv, një manastir ortodoks në Poçaiv të Ukrainës. Njoftohet se të gjithë udhëtarët ishin pelegrinë.

Autoritetet kanë dërguar një aeroplan për të evakuuar të lënduarit.