“I pavdekshmi” Nicholas Cage

Për shitje në web-faqen eBay është shfaqur një fotografi, e cila “dëshmon” se aktori Nicholas Cage kishte jetuar edhe në kohën e Luftës Qytetare në Amerikë (më 1870). Ai asokohe ishte 47-vjeçar, aq sa është edhe sot. Nga Express më 20 shtator 2011 në ora 09:07

"Kopja e Cage" (fytyra e të cilit shihet në fotografinë djathtas) pa asnjë dyshim se i përngjanë pamasë aktorit të famshëm hollivudian.

Jack Mord, nga Seattle, i cili aktualisht jeton në Washington, e ka gjetur fotografinë në fjalë dhe tani po e shet atë në eBay për një milionë dollarë, aq sa figuron çmimi fillestar për të.

"Plakui" Nicholas Cage në fakt jetonte në Bristol, në shtetin federal Tennessie, në kohën e Luftës Qytetare në Amerikë. Mord ndërkaq është i bindur se Cage është një vampir, i cili ishte zhdukur në mënyrë misterioze në vitin 1870, për t’u shfaqur pastaj në kohën e tashme, dhe në një pjesë krejt tjetër të Amerikës.

Mord po ashtu është i bindur se ky rrëfim është i vërtetë. Ai madje beson se Nicholas Cage “i sotëm” së shpejti do të zhduket në mënyrë të mistershme, për t’u rishfaqur sërish pastaj në një të ardhme tjetër të largët.