“Portokajtë” për fundvit

Komedia romantike, “The Oranges” në regji të Jualian Farino, dhe me interpretim të Leighton Meester, Hugh Laurie, Catherine Keener, Adam Brody, Alia Shawkat, Allison Janney dhe Oliver Platt, në kinema vjen nga 20 dhjetori.

Krishtlindja në periferi, respektivisht atmosfera familjare, zbukurimet dhe një aferë skandaloze e dashurisë, e cila kërcënon të shkatërrojë dy familje, është boshti rreth të cilit zhvillohet ngjarja e filmit “The Oranges”. Mbase kjo nuk është temë që do të mund të pritej nga një film që shfaqet pak para festave të fundvitit, por pikërisht kjo është tema e kësaj komedie të mrekullueshme.

Në fakt, familjet Walling dhe Ostroff, që ngjajnë në shumë familje të tjera që jetojnë në periferi, shoqërohen mbi 20 vite. Ato ndanin bashkë darkat e fundjavave, hobit e tyre, shkonin bashkë në piknikë... derisa, pas një pauze të gjatë, vajza e lazdruar, Nina Ostroff, kthehet në shtëpinë e saj për festa. Dhe, në vend që të interesohet për djalin e suksesshëm të familjes Walling, vëmendjen e saj e tërheq miku më i mirë i prindërve të saj, David...