Çështja e emrit, Nimiç udhëton drejt Athinës

Vizita në kryeqytetin helen, vjen pas asaj në Shkup, ku Nimiç  u shpreh optimist për gjetjen e një zgjidhjeje, me të cilën do të pajtoheshin Shkupi dhe Athina zyrtare.

“Kam ndjenjën se ka zhvillime të mjaftueshme, të cilat na bëjnë të besojmë se mund të gjendet një zgjidhje”, citohet të ketë thënë Nimic, pas takimeve me zyrtarë të lartë të Qeverisë së Maqedonisë. Mediat në Greqi dhe Maqedoni thanë se gjatë udhëtimit të tij në rajon, Nimiç ka propozuar emrin “Republika Veriore e Maqedonisë” si një kompromis të mundshëm.