200 kilogram kokainë dyshohet të jetë kapur në Gjirokastër

Një sasi prej 200 kilogram kokainë dyshohet të jetë kapur sot në Gjirokastër pas një operacioni të prokurorisë së krimeve të Rënda e policisë shqiptare në bashkëpunim me agjenci të vendeve europiane.

Kokaina mendohet të jetë përzierë me një ngarkesë vaji palmash e ndodhur në një kontenier por sasia e saj, nëse vërtetohet, është më e madhja e zbuluar ndonjëherë në Shqipëri.

Sipas burimeve zyrtare origjina e lëndës narkotike mendohet të jetë Kolumbia. Në territorin shqiptar kamioni me ngarkesën ka hyrë nga Maqedonia.

Paraprakisht flitet për të paktën katër të arrestuar. /voa/