21 janari, Italia: Prokuroria të punojë që të mos përsëritet

TIRANË- Zv/ministrja e Jashtme italiane Marta Dasu, e cila gjendet në Tiranë për një vizitë zyrtare, në një konferencë shtypi të përbashkët me ministrin e jashtëm Edmond Haxhinasto deklaroi se ngjarje të tilla si ajo e 21 janarit të vitit të kaluar nuk duhet të ndodhin më.

Zyrtarja italiane tha gjithashtu se u takon organeve të drejtesisë të bëjnë punën e tyre në hetimin e ngjarjeve. Dasu tha se Italia mbështet deklaratën e përbashket të trojkës së ambasadorëve në Tiranë.

Ajo konfirmoi gjithashtu se kishte takuar liderët më të rëndësishëm në vend, ku kishte konstatuar gadishmërinë për bashkëpunim shume i nevojshëm sipas saj, që Shqipëria të plotësojë detyrimet për të përfituar statusin e vendit kandidat.
(el.me/BalkanWeb)