25 viktima nga tornado në Kinë

Të paktën 25 persona kanë humbur jetën dhe 161 të tjerë janë plagosur për shkak të një tornadoje të fuqishme që ka goditur Kinën. Stuhitë e forta prekën jugperëndimin e Kinës, e më konkretisht komunën Chongqing bëri të ditur agjensia shtetërore e lajmeve. Tornado goditi disa konte, duke sjellë edhe pasoja të rënda për disa zona, pasi shumë shtëpi u shkatërruan tërësisht, shumë pemë u thyen, ndërsa gjithashtu janë dëmtuar rëndë edhe të mbjellat, saktëson media lokale. Shumë banorë të zonave të dëmtuara janë evakuuar edhe nga frika e përmbytjeve pasi ka nisur të rritet nvieli i ujit si pasojë e reshjeve. Bilanci i viktimave në kontenë Dianjiang ka arritur në të paktën 19 persona dhe rreth 135 të plagosur, raporton televizioni shtetëror. Stuhia e breshërit dhe e erërat e forta kanë shkatërruar tërësisht më shumë se 1000 shtëpi, ndërsa dëmtime kanë pësuar rreth 10 000 shtëpi të tjera. Besohet se dëmi financiar sipas raporteve të qeverisë, ka prekur shumën e 2.93 milion dollarëve amerikane. Po sipas mediave lokale , raportohet se shpejtësia e erës ka arritur në 108 km në orë.