31 marsi, afati i fundit per deklarimin e pasurise

Inspektorati i Larte i Deklarimit dhe Kontrollit te Pasurive (ILDKP) u beri apel dje te gjithe atyre zyrtareve qe kane per detyrim te deklarojne pasurine ne baze te ligjit ne fuqi, ta bejne ate brenda afateve kohore. Ky institucion, kerkoi nga subjektet qe deklarojne interesat e tyre private periodike/vjetore qe te respektojne afatin ligjor, brenda dates 31 Mars 2010, per dorezimin e formularit me ndryshime (shtesa ose pakesime) te interesave private (pasurise) gjate vitit 2009. Apeli vjen pasi thuajse ne cdo vit, jo te gjithe zyrtaret e shtetit, respektojne afatet duke dorezuar formularet ne kohe.