74.5 % e maturantëve e kalojnë testin

Komisioni Qendror Shtetëror i Maturës (KQSHM), ka publikuar sot rezultatet e Provimit të Maturës të afatit të qershorit.

Nga 31.628 maturantë sa kanë marrë pjesë në provim, kanë kaluar 23.531 maturantë (74.5 përqind).

 KQSHM vlerëson lartë organizimin e Provimit të Maturës dhe falenderon të gjithë akterët e përfshirë në këtë proces.

Gjatë tri ditëve të ardhshme do të jetë afati i përcaktuar për ankesa, ndërsa publikimi i rezultateve të ankesave do të bëhet më 28 qershor.

Për të gjithë ata që nuk e kanë kaluar provimin në këtë afat, do të kenë edhe një mundësi në afatin e gushtit./Indeksonline/