AMC, bursa per studentet me te shkelqyer

Dhjete studentet me te mire te universiteteve shteterore do te mbeshteten me ndihme financiare deri ne perfundim te studimeve, kundrejt rezultateve te shkelqyera gjate cdo viti akademik. Bursat, me vlere 15 000 leke ne muaj do te mundesohen nga kompania e telefonise celulare AMC, e cila zhvilloi dje ceremonine e shperndarjes se ketyre bursave per studentet me te mire te perzgjedhur ne deget inxhinieri informatike, telekomunikacion, inxhinieri elektronike, ekonomik, dale nga konkurset e sivjetshme te Matures Shteterore. Keshilltari per Arsimin i kryeministrit, Prof. Dr. Myqerem Tafaj, i ftuar ne kete ceremoni, pasi falenderoi drejtorin ekzekutiv te AMC-se per shperblimin e studenteve me te mire permes bursave, tha se kjo iniciative e marre eshte nje kontribut i vlefshem per motivimin e studenteve me te mire. Ndersa rektori i Universitetit Politeknik, Jorkaq Kacani deklaroi se ka ardhur koha qe per investimet ne sektorin e arsimit, te bashkepunohet me kompani private, ne menyre qe kontributi i tij te orientohet drejt arsimit. Drejtori Ekzekutiv i AMC-se, Stefanos Oktapodas, pasi pergezoi studentet per rezultatet e arritura i inkurajoi ata per te vazhduar me tej ne rrugen e nisur. "AMC eshte mjaft e interesuar qe rezultatet e studenteve edhe ne vitet ne vazhdim te jene maksimale, pasi ne kete menyre krijohen kapacitete elitare qe do te vazhdojne te kontribuojne ne rritjen dhe zhvillimin e metejshem te kompanise", tha ai.