AVA, "shtepia" e re e hartuesve te testit
Nen masa te rrepta sigurie, nis puna per provimet e matures
Mjediset e Agjencise se Vleresimit te Arritjeve te nxenesve (AVA) kane qene dje me te populluara se asnje dite tjeter. Shkak per kete eshte bere futja ne kushte ngujimi e dy Percaktuesve te Testeve Perfundimtare (PTP) si dhe e 10 specialisteve qe do te japin ndihmesen e tyre per nje gje te tille. Sipas MASH, dy Percaktuesit e Testeve Perfundimtare (PTP) jane nder specialistet me te mire te kesaj fushe, te perzgjedhur nga Komisioni i Matures Shteterore pas seleksionimit te kandidaturave te propozuara nga te gjitha DAR/ZA-te. AVA tashme ka ne dispozicion nje fond pyetjesh, rreth 20-fish te testit (500 pyetje), te pershkallezuar sipas nivelit te nxenesve, te pergatitura nga specialistet me te mire te arsimit. Percaktuesit e Testeve do te hartojne variantin perfundimtar te testeve te Gjuhe Shqipe dhe Letersi per provimin e detyruar te MSH-se. Me tej grupi i punonjesve teknike te AVA-s do te realizoje shumefishimin, paketimin, pergatitjen e barkodeve, perpilimin e listave per cdo mjedis dhe klase ku do te zhvillohet Provimi i Detyruar i Matures Shteterore. MASH ka percaktuar edhe afatet kohore per terheqjen e testeve prane AVA-s per shperndarjen ne cdo DAR/ZA dhe jane marre te gjitha masat e sigurise per shoqerimin e materialeve te provimit drejt destinacionit. Nga dita e djeshme, pjese e sigurise eshte edhe ruajtja e mjediseve te AVA-s nga forcat e Policise se Shtetit. Ndersa asnje prej te "ngujuarve", nuk do te kete te drejte te dale nga ato mjedise, te komunikoje ne telefon, te perdore internetin, etj.
Hartuesit, ne kushte "ngujimi"
Sipas burimeve nga Agjencia Qendrore e Vleresimit te Arritjeve, asnje prej specialisteve apo percaktuesve te testit, qe jane "ngujuar" nen kushte te rrepta sigurie, nuk ka te drejte te kete kontakte me "boten e perjashtme". Kjo, ne menyre qe te mos kete konspiracion te tezes. Qe te gjithe do te flene brenda mjediseve te AVA-s, do te hane atje, si dhe do te kryejne cdo aktivitet jetesor. Mesohet se ata nuk do te lejohen te perdorin telefonin, as celular dhe as fiks, as internetin dhe c'eshte me e rendesishmja, nuk do te lejohet asnjeri te hyje brenda, apo te dale jashte mjediseve te percaktimit te testit perfundimtar.