Ulet ngarkesa mesimore e mesuesve
Kontrata kolektive e punes, parashikon rregulla te reja edhe per daljen ne pension
Ulet ngarkesa mesimore e punes se mesuesve. Nenshkrimi i marreveshjes per kontraten kolektive te punes, mes ministrit te Arsimit dhe Shkences Myqerem Tafaj, dhe paleve perfaqesuese te arsimtareve, beri qe te rikthehet ngarkesa mesimore qe ishte para daljes se udhezimit ne kete fillimit. Keshtu, ndersa ngarkesa mesimore u rrit me nje udhezimi te dale ne shkurt, me ane te marreveshjes per kontraten kolektive te punes se mesuesve, ngarkesa u kthye ne nivelet e meparshme.
Ulja
Kryetari i Federates se Sindikatave te Arsimit dhe Shkences te Shqiperise (FSASH), Xhaferr Dobrushi sqaroi se ngarkesa mesimore e mesuesve, rikthehet ne parametrat e meparshem. Me konkretisht, mesuesit e Gjuhes Shqipe do te japin 20 ore mesimi ne jave, ndersa mesuesit e gjuheve te huaja do te japin nga 22 ore mesimi ne jave. E njejta ngarkese mesimore do te jete edhe per mesuesit e lendes se Fizikes, Matematikes, Biologjise. Nderkaq, sipas kryetarit te Federates se Sindikatave te Arsimit, Xhaferr Dobrushi, per lendet e tjera, ngarkesa mesimore ne jave do te jete 24 ore. Nga ana tjeter, si ngarkese mesimore do te quhet edhe kujdestaria, por edhe aktivitetet me karaktere social-kulturor dhe artistik. Pale ne nenshkrimin e marreveshjes ishte kreu i MASH, kreu i Sindikates se Pavarur te Arsimit te Shqiperise dhe kreu i Federates se Sindikatave te Arsimit dhe Shkences te Shqiperise.
Pensionet
Nje element tjeter i kontrates eshte saktesimi per punonjesit e arsimit, qe plotesojne moshen e pensionit pa mbaruar vitin shkollor. Kontrata parashikon se mesuesit nuk pensionohen, ne rast se jane vetem dy muaj para perfundimit te viti shkollor. Sipas ligjit, mesuesit duhet te plotesojne tri kushte kryesore. Femrat duhet te jene 57 vjece e 6 muaj, te kene 35 vite pune te siguruara, nga te cilat 26 vjet e 3 muaj duhet te kene punuar ne arsim. Ndersa meshkujt duhet te kene mbushur moshen 62 vjec e 6 muaj, te kene 35 vite pune te siguruara, nga te cilat 26 vjet e 3 muaj duhet te kene punuar ne arsim. Ne kohen e punes gjithsej per efekte te pensionit te pleqerise, perfshihen pervec viteve te shenuara ne librezen e punes edhe koha e vazhdimit te studimeve te larta diten, per femrat brenda ose jashte vendit, me dhe pa burse, sipas kohezgjatjes se fakulteteve, por jo me shume se 6 vjet, duke e vertetuar kete me kopjen e diplomes se noterizuar.
Kontrata
Palet, mbas negocimeve te zhvilluara, arriten ne perfundimin qe te perseritin kontraten e deritanishme kolektive te punes, te dates 4 korrik 2006, duke i bere asaj ndryshimet, plotesimet dhe permiresimet e nevojshme, si dhe duke e shtrire per periudhen kohore deri me 31 dhjetor 2014. Sipas ministrit Tafaj, kontrata perben nje hap me perpara ne krahasim me ate te deritanishme. Kontrata percakton nje draft-rregullore per statusin e mesuesit si dhe perpunimin, pergatitjen dhe miratimin e kodit te etikes se mesuesit. Kontrata kolektive e punes perfshin edhe pedagoget e arsimit te larte dhe ben nje hap perpara edhe ne rregullimin e marredhenieve te punes ne kuptimin e punesimit, rekrutimit, por edhe te nderprerjes se marredhenieve te punes. Ne fund, Tafaj falenderoi sindikatat e arsimit per bashkepunimin konstruktiv, qe beri te mundur arritjen e kesaj kontrate qe respekton dhe rregullon mjaft mire punesimin dhe raportet e punesimit te punonjesve te sistemit te arsimit ne Shqiperi.
L.Ndoka
Sa do te jete ngarkesa mesimore:
Gjuhe shqipe dhe Letersi 20 ore
Gjuhet e huaja 22 ore
Fizike 22 ore
Matematike 22 ore
Biologji 22 ore
Te gjithe lendet e tjera 24 ore
Norma mesimore per drejtuesit
Drejtori i shkolles me 50-300 nxenes 12 ore ne jave
Drejtori i shkolles me 301-700 nxenes 8 ore ne jave
Zv/drejtori i shkolles me 301-700 nxenes 10 ore ne jave
Drejtori i shkolles me mbi 700 nxenes 4 ore ne jave
Zv/drejtori i shkolles me mbi 700 nxenes 8 ore ne jave
Veshja
Ne marreveshjen per kontraten kolektive, nje rol luan edhe ceshtja e etikes, ku palet kane marre persiper zbatimin e saj, sidomos per veshjet ekstravagante qe duhen shmangur. Kontrata percakton edhe nje draft-rregullore per statusin e mesuesit.