Abas kërkon njohjen e shtetit palestinez nga Izraeli

Lideri palestinez, Mahmud Abas, sot ka kërkuar nga Izraeli, që ta njohë shtetin palestinez dhe “të mos e humbë rastin për paqe”.

Ai këto komente i bëri në Nju Jork, ku do të paraqesë kërkesën për shtetësi, gjatë punimeve të Asamblesë së Përgjithshme të Kombeve të Bashkuara, këtë javë.

Shtetet e Bashkuara janë kërcënuar me veto ndaj çfarëdo lëvizjeje të tillë në Këshillin e Sigurimit të OKB-së, në bazë të asaj se shteti i ardhshëm palestinez, duhet të arrihet me negociata me Izraelin.

Palestinezët kanë refuzuar të zhvillojnë negociata, derisa Izraeli të mos i ndalë ndërtimet e vendbanimeve të reja në territoret kontestuese.