Abuzimi me pronat, pranga 4 zyrtareve te Hipotekes

Lushnje- Mbivendosja e nje siperfaqe toke ne zonen urbane te Lushnjes, i ka kushtuar prangat kater zyrtareve te Hipotekes ne kete rreth. Denoncimi eshte bere nga familja Prendi tre muaj me pare ne prokurori dhe kjo e fundit, ia kishte kaluar ceshtjen per verifikim Zyres Kunder Krimit Ekonomiko-Financiar. Burime zyrtare bene me dije se mbreme rreth ores 18:00 eshte bere arrestimi i Agim Kajkut, me detyre zv/regjistrues, Sevret Musakut, Agim Prencit dhe Nexhat Zenelit, te tre me detyre topograf ne Zyren e Regjistrimit te Pasurive te Paluajtshme ne Lushnje.

Familja Prendi, ka pretenduar se prona e tyre ishte tjetersuar nga ZRPP-ja dhe agjentet munden qe brenda tre muajve, te zbardhnin falsifikimin e kryer. Burime zyrtare shpjeguan se behet fjale per nje mbivendosje ne harte dhe kalimin e siperfaqes ne pronesi te personave te dyte. Policia e Lushnjes, ka sekuestruar nje sere materialesh nga Hipoteka per te verifikuar denoncimin e kryer. Mesohet se ne shqyrtim jane edhe dy ankesa te tjera nga qytetare per mbivendosje prone. Prokuroria leshoi dje, flete-arrestet per kater zyrtaret qe jane ndaluar ne banesat e tyre, pa bere asnje lloj rezistence. Akuzat qe ngrihen ndaj 4 te arrestuarve jane ato te "shperdorimit te detyres" dhe "falsifikimit te dokumenteve zyrtare".

Te arrestuar :

Agim Kajku, zv/regjistrues

Sevret Musaku, topograf

Agim Prenci, topograf

Nexhat Zeneli, topograf