Kule: "Muzeu", deri ne Gjykaten e Strasburgut

Ndersa Muzeu i Shkencave te Natyres, i ka kaluar pronareve te ligjshem si prone, ka reaguar rektori i Universitetit te Tiranes, Dhori Kule. Ai eshte shprehur dje se, ceshtja duhet t'i kaloje per shqyrtim Gjykates Kushtetuese dhe Gjykates se Strasburgut. Kjo, sepse vlera monetare e specieve eshte teper e madhe. "Zgjidhje per objektet qe ndodhen brenda muzeut nuk kemi aktualisht, vete muzeu shtronte nje problem te pergjithshem parimor per universitetet publike shqiptare, problemi i hipotekimit te pronave. Kemi marre vendimin qe t'i drejtohemi edhe Gjykates Kushtetuese, edhe Strasburgut, pasi e gjykojme qe eshte nje objekt me vlera te medha per universitetin e Tiranes", tha Dhori Kule, rektor i Universitetit te Tiranes. Rektori Kule, ka vijuar me tej se, gjate gjithe ketyre viteve, nga drejtuesit e arsimit nuk eshte bere asnje investim. "Nje pjese te pergjegjesise do t'ia lija ish-drejtuesve te fakultetit pasi per vite te tera, aty nuk u investua", vijoi ai. Sipas specialisteve, ne kete muze vijne edhe vizitore te huaj, pervec nxenesve te shkollave te sistemit parauniversitar, te cilet e shfrytezojne per oret mesimore te biologjise. Muzeu i Shkencave te Natyres, eshte i vetmi ne vendin tone. Qe prej vitit 1948, ne kete muze, per vite me radhe jane vendosur rreth 100 mije lloje speciesh te ndryshme. Por, tashme ky muze duhet te mbylle dyert per vizitoret e tij, pasi Gjykata e Apelit ne Tirane, ka vendosur qe token ku eshte ngritur objekti, t'ia dorezoje pronarit.