Sarande, zbarkojne turistet e pare amerikane

SARANDE- Shqiperia behet perhere e me shume nje vend i sigurt per turistet e huaj. Dy krociera kane zbarkuar dje ne portin e Sarandes me 149 persona ne bord ne prag te ketij sezoni veror. Burime nga porti thane per "KJ" se "Le Levant" dhe "Island Sky" sollen dje turistet e pare. Krociera "Le Levant", me flamur francez, mberriti ne Gjirin e Sarandes oret e para te mengjesit nga Italia. Ne bordin e saj ndodheshin 54 amerikane, qe do te vizitojne qytetin bregdetar. "Per here te pare gjate ketij sezoni, turistet e huaj do te qendrojne deri ne oret e vona te mbremjes, ku do te vizitojne disa vende historike dhe muzeale", u shprehen autoritete vendore dhe perfaqesues te agjencise turistike "Terini". Ndersa krociera tjeter, "Island Sky", me 95 pasagjere amerikane dhe britanike ne bord, mberriti ne Sarande nga Kotorri. Ne mungese te hapesires per inbarkim ne kalaten e portit, transporti i turisteve amerikane u be me varka te vogla. Ata kane preferuar te shetisin me kembe neper Sarande, per te udhetuar me tej me 3 autobuse drejt Butrintit. Qellimi ka qene vizita ne vendet antike dhe turistike me te njohura te zones, ku ne vecanti kohen me te madhe e ka marre amfiteatri i Butrintit.