Adoleshenti i grabit celularin kosovarit

Një pushues nga Kosova ka qenë duke
rënë pre e hajdutëve në plazhin e Golemit,
por ai ka vënë re vjedhjen, duke bllokuar
hajdutin dhe lajmëruar policinë. Ngjarja ka
ndodhur pasditen e së mërkurës dhe në
vendngjarje kanë shkuar menjëherë shërbimet
e Policisë së Kavajës, që kanë bërë arrestimin
e autorit. Burimet policore bënë të
ditur se nga forcat e Komisariatit të Kavajës
u bë arrestimi në fl agrancë i Armand K., 17
vjeç, banues në Tiranë. Ai kishte ruajtur turistin
kosovar, Evzi Bektashi dhe kishte hyrë
në çadrën e tij për të vjedhur. Gjatë kohës që
po kontrollonte, Bektashi e ka vënë re dhe
është afruar. Adoleshenti, që sapo kishte
marrë një celular, ka tentuar të largohet, por
është kapur prej Bektashit, i cili ka lajmëruar
policinë, që bëri prangosjen e tij.