Adriano, jeta e natës e lë jashtë skuadrës

Pas fillimit të mirë dhe vlerësimeve reciproke, ndërmjet trajnerit Hoze Murinjo dhe Adrianos ka filluar të ndihet tensioni. Shkak është bërë "shëtitja" e sulmuesit me yllin brazilian të Milanit, Ronaldinjo, në klubet e natës të Milanos. Edhe pse nuk konsumoi alkool dhe u paraqit i përpiktë në stërvitje, lojtari u ndëshkua nga Murinjo, mbi të gjitha sepse u argëtua pas paraqitjes së dobët me Xhenoan. Tekniku luzitan nuk e grumbulloi Adrianon për sfidën e sotme me Fiorentinën.