Adriano synon rikthimin tek kombëtarja

Me formën e mirë që po kalon tek Flamengo, sulmuesi brazilian Adriano ka bindur trajnerin Dunga për ta grumbulluar në ndeshjet delikate ndaj Argjentinës dhe Kilit. "Perandori" është thirrur nga tekniku i "Seleçaos" për të qenë pjesë e ekipit të Brazilit në dy ndeshjet e rëndësishme që amerikanojugorët do të luajnë në shtator.
Më 5 shtator, 5 herë kampionët e botës do të luajnë ndaj Argjentinës në Rosario, ndërsa katër ditë më pas, kundër Kilit në Salvador.
Hera e fundit që golashënuesi më i mirë në kampionatin brazilian ka qenë grumbulluar me skuadrën kombëtare, ishte në muajin shkurt, ku Brazili mundi 2-0 Italinë në Londër.