Ahmedinexhad mesazh Obamës: Do t'i japim përgjigje të fortë strategjisë për bërthamorët

Presidenti iranian Mahmud Ahmadinexhad ka paralajmëruar presidentin amerikan me anë të një mesazhi në televizionin publik se do t'i japë një përgjigje të fortë strategjisë së re për armët bërthamore.
"Uroj që deklaratat e publikuara të mos jenë të vërteta. Obama ka kërcënuar se do të përdorë armë bërthamore dhe kimike kundër atyre shteteve që nuk i përulen SHBA-ve. I them të bejë kujdes, pasi nëse ndjek rrugën e zotit George Bush, atëherë përgjigjja e vendeve të përmendura nga ai do të jetë: Do t'ju thyejmë dhëmbët!",tha Ahmadinexhad në një fjalim të transmetuar drejtpërdrejt nga televizioni shtetëror.
Strategjia për armët bërthamorë e nënshkruar nga Obama, përjashton mundësine e përdorimit të armëve bërthamore ndaj Iranit dhe Koresë së Veriut.