Akademia e Yjeve, 5 sfidat e medha

Spektakli i talenteve te reja “Akademia e Yjeve” vjen sonte me puntaten e tij te dyte ne kete edicion te trete ne TV Klan. Jane pese sfidat e sotme, mbi te cilat do te ngrihet nata e madhe e spektaklit. Por s’do te mbetet vetem me keto sfida, pasi do te shkoje edhe me tej, si cdo here, te debatet e medha. Ata jane te rinj dhe synojne te jene ne maje. Secili prej tyre synon te jete ylli i kesaj akademie, por shume mund e pune duhet per te mberritur aty. Sonte ne mbremje do te jene 5 sfidat e medha, tre prej te cilave ne balet dhe dy ne kenge. Por sikunder eshte anoncuar te merkuren e shkuar nga prezantuesja e spektaklit, Zana Cela, ne mbremje do te nisin edhe rrefimet e jeteve te nxenesve te Akademise se Yjeve. Jane historite e tyre personale, te rrefyera prej nxenesve, mbi ato cka kane kaluar ne jeten e tyre te deritanishme. Cdo jete ka edhe dramat e saj, e kete here, jane dy nxenesit e kenges, Kristi dhe Qendrimi, qe do te bejne publike copeza te jetes se tyre. Pervec personaliteteve te ftuar qe do te komentojne edhe performancat e studenteve, jane pedagoget, ata qe do te thone fjalen e tyre per sukseset apo zhgenjimet prej asaj c’kane mesuar prej tyre. Ajo cka mbremje e spektaklit te sotem do te servire eshte edhe nje tjeter performance e perbashket e te gjithe sfidanteve ne nje pjese baleti modern, e cila eshte e pergatitur nga Dritan Bramo, qe eshte edhe pedagogu i tyre i baletit modern ne Akademi e qe i pergatit per sfidat cdo jave.

Garat e mbremjes se sotme:

Blerim-Rina (balet modern)

Egzon-Jurgena (kenge)

Andi-Riola (balet klasik)

Kabina-Anxhelika (kenge)

Kristi-Qendrimi (balet)