"Akademia e yjeve", zbulohen surprizat e konkurrenteve

Pas pak ditesh gjithcka do te jete ndryshe per ta. Ritmi i diteve, gjendja e tyre shpirterore, zakonet e perditshme, madje edhe deshira per triumf, e cila ende nuk eshte ravijezuar si duhet. Sot jane 31 pretendente, por ne shtepine e "Akademise se yjeve" me 5 prill do te mund te futen vetem 16 prej tyre. Deri ne ate finish, keta vajza dhe djem plot endrra dhe energji do te vijojne te perpiqen per te mberritur aty. Prezantimi i tyre ne cdo aspekt te procesit mesimor ne "Akademine e Yjeve" ka nisur qe nga e hena e shkuar ne TV Klan. Por, njohja e tyre eshte ende ne fillese. Kush jane 31 konkurrentet, qe pretendojne finalizimin e endrres se tyre, duke u futur ne shtepine e "Star Akademi"? Sot do te prezantojme vetem kater prej tyre.
Branimir Agovi
Ai e pershkruan vetveten si: "i sinqerte, i drejtperdrejte, i dashur... Serioz kur duhet, me sens humori dhe shume i shoqerueshem". Ditet e Branimirit ne "Star Akademi" tashme jane pak me te qeta. Sepse fillimi per te ka qene plot sakrifica e veshtiresi... "Im ate e ka pelqyer gjithmone muziken. Ne shtepine tone kendohej thuajse gjithmone, ne raste festash a ditesh te shenuara... Kur mora konfirmimin se jam pranuar si konkurrent ne "Star Akademi" u lumturua pa mase". Sipas tij deshiren per te kenduar e ka trasheguar pikerisht prej te atit. Muzika eshte nje enderr, per te cilen eshte gati te beje shume sakrifica. Ditet e para te pjesemarrjes ne provat e "Star Akademi" kane qene mjaft te veshtira per te. Cdo dite i duhej te udhetonte nga Shkodra me furgon, e perseri ne mbremje, te nxitonte per te mberritur linjat e fundit. "Por ia vlen", thote Branimiri, djaloshi nga Shkodra, i cili tashme ka vetem nje synim, te perfitoje ne maksimum nga keshillat e profesoreve, e te realizoje nje performance mbreselenese, gje qe do t'i siguronte hyrjen ne 16 konkurrentet me te mire dhe jeten plot surpriza e befasi qe e pret brenda "Akademise se yjeve".
Sarentina Cako
Ne Gjirokaster, qyteti i saj, ku te afermit dhe miqte e ndjekin me shume kureshtje, ka lene pas shume ndjesi, persona te dashur dhe ngjarje te vecanta. Ne rrugen qe sapo ka nisur ne Star Akademi, duket se ata do te kene gjithnje nje vend special, per t'i dhene force e kuraje. Gjithe jeten e ka enderruar skenen. Te kendoje e te kerceje...kjo ka qene deshira e saj qe kur ishte femije. Sara mendon se skena ka nevoje per te, pasi ajo aty le gjithe shpirtin e saj. I pelqena Tirana, per faktin se ka tjeter menyre jetese, tjeter mentalitet dhe c'eshte me e rendesishmja ka shume mundesi per te rinjte. Ne karakterin e saj treten ne nje, sinqeriteti, ciltersia, por edhe gjaknxehtesia ne momente kur e cenojne. Sidoqofte eshte e forte dhe e duruar, sepse shpreson gjithmone per nje dite me te mire ne jete, edhe pse jeta e saj ka qene e veshtire e plot sakrifica.
Gureld Nake
Eshte 17 vjec dhe thote se ne jete cdo gje mund te arrihet sado e pamundur te duket. Vjen nga Bilishti i Korces, dhe familja, megjithe problemet qe ka kaluar e ka mbeshtetur ne endrren e tij per tu bere nje kercimtar i afte. Ne "Star Akademi" punon shume, dhe nuk mendon te ndalet per asnje arsye, per shkak se veten e sheh nder me te miret. E pret me padurimin jeten ne shtepine e "Akademise", pasi pervec talentit dhe energjive te tij per te kercyer mendon se ka edhe nje plus si natyre mjaft sociale. "Di te gatuaje shume mire dhe kjo fale nenes time e cila me ka mesuar te jem zot i vetes ne gjithcka", thote Gureldi. Eshte energjik, i vendosur, por edhe pak gjaknxehte. E irritojne shume genjeshtrat sy per sy...Ne hip-hop e ndjen veten te sigurt, por thote se edhe ne balet klasik po avancon nga dita ne dite dhe eshte gati tashme te sfidoje kedo qe mund t'i dale perballe.
Marinela Hysa
Marinela, vjen nga Elbasani dhe "Star Akademine" e sheh si mundesine me te madhe qe i eshte dhene ne jete per t'u bere nje kercimtare e famshme. E ka ushtruar baletin ne aktivitetet e shkolles si dhe ne maratonen rinore ne Elbasan. Nuk eshte gjaknxehte, por ka gjithmone nje pergjigje ne maje te gjuhes. Vetveten e pershkruan si vajze e shkathet, e embel, e sinqerte. Ne nje ishull te vetmuar do te merrte me vete te dashurin, nje krevat femijesh dhe librin "20 femije". Thote se morali i kesaj eshte qe "jeta vazhdon dhe ishulli i saj nuk do te ishte me i vetmuar, por i populluar". Ditet ne "Star Akademi", po i shfrytezon maksimalisht, per te perftuar gjithcka i duhet per te perballuar sfidat dhe garen. Merr pjese ne cdo debatet dhe kembengulja per te qene gjithnje me e mira, mendon se do ta coja drejt realizimit te endrres se saj.
"Star akademi" 24 ore live
"Star Akademi", kete vit ofron nje format te ri, duke u shnderruar ne nje reality show, ku cdo gje qe ngjet brenda shtepise se akademise se yjeve te do te jete e monitoruar nga kamerat 24 ore dhe ne transmetim live. Ne shtepine e Akademise se Yjeve do te kene mundesine te futen me 5 prill, vetem 16 konkurrentet me te mire, nga 31 pretendente qe po ushtrohen aktualisht ne balet dhe kanto. Formati i ri i Akademise se Yjeve, do te shpalose tashme deri ne detaje karakteret e gjithsecilit prej konkurrenteve, perpjekjet e tyre per te triumfuar ne kete gare, ambiciet, por edhe personalitetin e gjithsecilit.