Aksident i rrallë në Korçë, makina përplas 30 dele, bllokohet qarkullimi

Korçë- Një aksident i rrallë ka ndodhur sot në aksin Korçë- Pogradec pasi një automjet ka përplasur 30 dele.

Ngjarja e pazakontë ka ndodhur pasditen e sotme dhe kjo ka shkaktuar bllokimin e qarkullimit në këtë zonë për disa minuta.

Policia njofton se drejtuesi i automjetit tip fouristradë është larguar nga vendi i ngjarjes, por më pas është vetëdorëzuar në polici.

Gjatë marrjes në pyetje ai ka thënë se aksidenti ka ndodhur pasi automjetit të tij nuk i kanë funksionuar frenat në momentin që delet i dolën përpara.

/IDEA/