Aksident nuklear ne Slloveni. BE: asnjë arratisje radioaktive

Këshilli Evropian ka deklaruar se ka marrë një sinjal për një aksident në centralin nuklear në Krsko, duke shpjeguar që tashmë është aktivizuarprocedura e sigurisë për fikjen e impiantit. Mesazhi alarmues, shpjegon komunikata ka ardhur rreth orës 17.38 dhe deri tani fuqia e reaktorit është pakësuar deri në 22 përqind.

Sipas asaj që referon Këshilli Evropian është verifikuar një humbje e likuidit nga sistemi principal i ftohjes se centralit nuklear në Krsko, në Slloveni. Aksidenti është sinjalizuar në Bruksel përmes sistemit të alarmit nuklear të shpejte Ecurie, me anë të të cilit ekzekutivi i BE-së ka njoftuar me sukses të gjitha shtetet anëtare. Megjithatë një zëdhënës i BE-së ka dhënë informacione të mëtejshme se procedurat e ndjekura nga Sllovenia kanë qenë korrekte dhe nuk ka pasur arrastisje për shkak të aksidentit radioaktiv. Megjithatë deri tani impianti është mbyllur për disa orë.