Aksidentohet për vdekje këmbësori, në pranga shkaktari

Ngjarja ndodhi në rrugën “Llazi Miho” në lagjen e Kombinatit, ku ka humbur jetën shtetasi Shpend Osmanaj, banues në Tiranë.

Sipas policisë, ky shtetas po kalonte rrugën, teksa është goditur një autobus tip “Otoyol”, i cili po qarkullonte nga Tirana për në Vaqarr.

I lënduari u dërgua me urgjencë për në Spitalin Ushtarak të Tiranës, por ndërroi jetë nga plagët e marra. Policia arrestoi gjatë mesnatës drejtuesin e autobusit, shtetasin Arland Halili, 34-vjeç, banues në Pezë të Madhe. Materialet procedurale i kaluan Prokurorisë së rrethit Gjyqësor Tiranë. /Start/

                                                                                             2011-12-12 14:29