Akte dhune kundër policisë në Berlin dhe Hamburg

''Dhjetë persona të maskuar i vunë zjarrin një makine policie parkuar përpara një rajoni policor me bomba Molotov dhe hodhën gurë kundër ndërtesës dhe oficerëve që po dilnin'', theksoi një zëdhënës i shërbimeve të policisë.
     
''Policia kriminale do të nisë një hetim për të përcaktuar shkaqet e këtyre akteve të dhunshme'', shtoi ai.
     
''Në kryeqytet, persona të panjohur hodhën tre bomba Molotov dhe gurë kundër ndërtesës që i përkiste policisë kriminale gjermane'', deklaroi zëdhënësi i policisë berlineze, Michael Merkle.