Akuza e PD: Rama i fali Kokedhimes 1.2 milione dollare taksa e gjoba

Partia Demokratike denoncoi dje se ne krye te filozofise se Partise Socialiste te rritjes se taksave dhe vendosja e takses progresive, qendron Koco Kokedhima. Deputeti demokrat, Gerti Bogdani, tha madje se Kokedhima, “de facto” eshte kryetar i Partise Socialiste, nje antiperendimor dhe ekstremist i majte. “Deputeti me i ri i qarkut te Vlores, biznesmeni Koco Kokedhima, e coi Edi Ramen drejt takses progresive. Paradoksalisht, ai eshte i vetmi biznesmen ne bote qe lumturohet nga rrija e taksave, sepse ai nuk i ka paguar ndonjehere ato dhe aq me pak e ka nder mend t’i paguaje nen regjimin e Rames”, - akuzoi Bogdani. Sipas tij, kur Edi Rama ishte Kryetar Bashkie, per 11 vite, kandidati i PS-se per deputet ne Vlore, Koco Kokedhima operonte ne Tirane me 14 kompani. Gjate kesaj periudhe, Bogdani tha se Rama i ka falur Kokedhimes rreth 1.2 milione dollare, saktesisht 124 milione e 739 mije e 223 leke te reja. “Ia ka falur duke mos ia marre taksat. Keshtu, detyrimet e falura jane rreth 850 mije dollare, saktesisht 88 milione e 905 mije e 593 leke te reja. Gjobat e falura jane rreth 340 mije dollare, saktesisht 34 milione e 319 mije e 869 leke te reja. Dhe kamat-vonesat e falura jane rreth 15 mije dollare, saktesisht 1 milione e 513 mije e 761 leke te reja”, - denoncoi dje demokrati. Per keto arsye sipas tij, Kokedhima, kerkon rritjen e taksave per te gjithe biznesmenet e tjere. Madje Bogdani shtoi se tashme Kokedhima nuk do te rrije me thesin hapur ne paradhomen e Rames, si ne 11 vitet e bashkise, por do t’i detyroje me ligj te gjithe biznesmenet e tjere shqiptare ta mbushin thesin e tij te hapur, me deshire, pa zhurme dhe duke pritur falenderime. “Modelin Rama – Kokedhima e kane provuar te gjithe qytetaret e Tiranes me rruget qe asfalti i Kocos u binte brenda 8 muajsh. E kane provuar te gjithe nxenesit e shkollave te Tiranes, te cileve u binin mbi koke tavanet e klasave te rindertuara me tenderet e Kocos. E kane pare te gjithe qytetaret e Tiranes me reklamat e qytetit, te cilat Koco i kishte ne pronesi te tij dhe nuk i paguante bashkise as edhe nje takse te vetme”, - denoncoi Bogdani.

`HETIMI

“Ceshtja se si nje Kryetar Bashkie i fal 1.2 milione dollare partnerit te tij sikur t’i kishte parate e veta po shqyrtohet nga prokuroria. Duke e lene drejtesine te beje punen e saj, Partia Demokratike dhe koalicioni i djathte jane dyfish te motivuar per t’i fituar keto zgjedhje, per te mos e lene modelin Rama – Kokedhima te zaptojne te gjithe Shqiperine”, - tha Bogdani.