Akuzat per listat e votuesve Poni Rama spekulon

Zevendesministri i Brendshem Ferdinand Poni hedh poshte akuzat e kryesocialistit Edi Rama lidhur me listat e votuesve. Kryetari i Partise Socialiste z. Rama ofroi sot nje spekulim te paster dhe genjeu duke akuzuar pa asnje baze Ministrine e Brendshme ne lidhje me listat zgjedhore per pushtetin vendor - tha numri dy i Ministrise se Brendshme. Reagimi i tij vjen pas akuzave te bera dje nga Rama per manipulime ne listat e votuesve qe do te marrin pjese ne zgjedhjet lokale te pranveres se vitit 2011. Zevendesministri Ferdinand Poni tha se cdo qytetar shqiptar e di fare mire qe sipas ligjit jane kryetaret e bashkive dhe komunave dhe jo Ministria e Brendshme qe hartojne dhe perditesojne listat zgjedhore. Ne perputhje me Kodin Zgjedhor listat paraprake kane qene te gatshme ne sistemin elektronik te Regjistrit Kombetar te Gjendjes Civile qe prej dates 24 shtator 2010 - theksoi Poni. Ai citoi nenin 49 te Kodit Zgjedhor qe parashikon se kryetaret e bashkive dhe komunave brenda dates 26 tetor 2010 duhet te publikonin listat e perditesuara paraprake per cdo qender votimi. Pas ketij perditesimi Drejtoria e Pergjithshme e Gjendjes Civile brenda dates 15 nentor 2010 ben publikimin e listes paraprake te zgjedhesve ne faqen zyrtare te internetit te Ministrise se Brendshme - tha Poni. Sic shihet qarte Ministria e Brendshme nuk ka shkelur asnje nga afatet e parashikuara ne ligj dhe udhezim nderkohe qe pret bashkepunim te plote te pushtetit vendor i cili perditeson keto lista. Me kete rast i bejme thirrje z. Rama te heqe dore nga spekulimet e pastra dhe perpjekjet per te perhapur panik apo per te krijuar alibira sic e ka zakon ne rast zgjedhjesh - tha zevendesministri.