Akuzohet per trafik armesh, denohet me 6 vjet

Gjykata e Apelit per Krime te Renda ka denuar dje me 6 vjet burg, 37-vjecarin e akuzuar per "trafik te armeve dhe municioneve luftarake". Togat e zeza e kane deklaruar dje fajtor Mehmet Zharkun, te vene ne pranga rreth nje vit me pare, ne saje te operacionit te koduar "Morina", prane Farmacise nr.10 Tirane, se bashku me te vellane e tij Halit Zharkun. Gjate ketij operacioni u sekuestruan ne cilesine e proves materiale 74 pistoleta te llojeve "Minizastava" dhe "Bereta", 120 granata dore, 6 predha antitank, nje granatahedhes, 120 ndezes dhe 150 cope fisheke te llojeve te ndryshme. Nga hetimet e prokurorise rezultoi se armet kishin ardhur nga Kosova dhe ishin destinuar per t'u tregtuar ne vendin tone. 37- vjecari e mori persiper autoresine e trafikut te armeve, ndersa i vellai i tij u la i lire. Nga hetimet e akuzes rezultoi se i pandehuri mblidhte arme dhe fisheke, ne zona te ndryshme te vendit, kundrejt shumave 100-5000 euro per cope. Armet sipas akuzes siguroheshin kryesisht ne Kosove, Kukes e Tropoje dhe me pas silleshin ne Tirane, ku kontaktoheshin me bleresit kryesore.