Alarm per bombe rezulton pako me gazeta

Nje bombe e rreme ka vene ne alarm Policine e Ballshit qe eshte detyruar te kryeje evakuime ne qender te qytetit. Nje pako e dyshimte u pikas dje paradite poshte makines se nje inspektori te Tatim-Taksave te bashkise duke bere qe policia te largonte njerezit dhe makinat ne zonen prane bombes se dyshuar ne qender te qytetit. Burime policore thane se u sinjalizuan nga Selfo Serjani me detyre inspektor tatimesh ne bashkine e qytetit i cili kishte pare se poshte motorit te makines se tij tip Volkswagen Passat me targa TR8093H ishte vendosur nje pako qe kishte pamjen e nje bombe. Forcat e Komisariatit te Policise se Ballshit bene menjehere rrethimin e zones larguan qe aty te gjithe njerezit dhe makinat si dhe sinjalizuan Drejtorine e Policise se Fierit per te ndihmuar me eksperte te eksploziveve. Ekspertet ne fakt u derguan nga Tirana. Ata mberriten ne qytetin e vogel rreth tre ore pas dhenies se alarmit dhe nisin punen per cmontimin e pakos se dyshimte nga makina e inspektorit tatimor. Pas nje pune teper te kujdesshme pakoja u hoq dhe u hap por u konstatua se ne vend te eksplozivit brenda saj kishte vetem gazeta e letra te tjera te mbeshtjella ne menyre te tille qe te dukeshin si bombe. Megjithese alarmi kishte qene i rreme policia e Ballshit nisi hetime intensive per te zbuluar autorin e venies se bombes se rreme duke e konsideruar kete ngjarje si kanosje ndaj inspektorit tatimor. Serjani u mor ne pyetje per te sqaruar situaten dhe tha se nuk kishte asnje konflikt personal. Per kete arsye hetimet e policise jane perqendruar tek aktiviteti i tij si inspektor. Burimet policore bene te ditur se eshte bere sekuestrimi i te gjithe dokumentacionit te Tatim-Taksave ne bashki qe kane te bejne me aktivitetin e inspektorit Serjani. Hetuesit shpresojne qe mes subjekteve te gjobitura prej inspektorit te mund te gjejne emrin e personit qe ka vene bomben e rreme.