Alarmi i DASH: Korrupsion i lartë në qeveri dhe gjyqësor
SHBA- Departamenti Amerikan i Shtetit ka bërë publik raportin mbi të drejtat e njeriut në Shqipëri për vitin 2011, ku evidentohet se problem mbetet korrupsioni në qeveri dhe në sistemi gjyqësor.
Sipas raportit korrupsioni është tepër i përhapur, por qeveria nuk ka zbatuar ligjin dhe shumica e zyrtarëve nuk janë dënuar.
Korrupsioni në degën e ekzekutivit ishte përhapur dhe i përhapur. Ligji parashikon dënime penale për korrupsionin zyrtar, megjithatë, qeveria nuk ka zbatuar ligjin në mënyrë efektive, dhe zyrtarët e angazhuar shpesh në praktikat e korruptuara pa u ndëshkuar. Korrupsioni në drejtësi është mjaft i përhapur. Imuniteti i gjerë gëzuar nga gjyqtarët ndalon prokurorët të hetojnë akuzat për korrupsion, deri sa ti bëhet një kërkesë publike Këshillit të Lartë të Drejtësisë për të hequr imunitetin e gjyqtarit të akuzuarit, dhe për të marrë miratimin e tij- thuhet në raport.
Një tjetër problem që lidhet me gjyqësorin është dhe ngjarja e 21 Janarit, ku sipas DASH varsësit e 4 protestuesve ende nuk janë dënuar. Më tej thuhet se gardistët qëlluan ndaj protestuesve dhe Prokuroria hapi një hetim i cili u zhvillua shumë ngadalë dhe që nuk dënoi asnjë person.
Raporti hapet me zgjedhjet lokale të 8 Majit, ku thuhet se ishin zgjedhje të polarizuara dhe kjo përshkak të mosbesimit mes partive, edhe pse OSBE i ka cilësuar transparente. Këto zgjedhje,- citon raporti, u shoqëruan me incidente dhe numërimi i votave ishte i diskutueshëm, kjo pengon të drejtën e qytetarëve të vendosin për ndryshimin e qeverive.Ndërsa vendimin e KQZ- së për ndryshimin e rezultatit të zgjedhjeve mbi kryetarin e Bashkisë së Tiranës, DASH e ka cilësuar si tepër partiak dhe që shkaktoi humbjen e besimit ndaj këtij institucioni.
Një tjetër shkelje e të drejtave të njeriut është dhe keqtrajtimi që u bëhet shtetasve të ndaluar në momentin që merren në pyetje nga policia. Sipast tij një pjesë e madhe e të ndaluarve dhunohen në qendrat e paraburgimit.
Raporti ngre alarmin edhe për dhunën në familje, abuzimin ndaj fëmijëve, diskriminimi ndaj pakicave etnike dhe homoseksualëve. Ndërsa thuhet se ka shumë raste të trafikut të qenieve njerzore.