Aleanca Kuq e Zi: Bashkimi me Kosovën, objektiv strategjik

TIRANË- Aleanca Kuq e Zi nëpërmjet një deklarate të saj ka bërë të ditur se në Kuvendin e kësaj lëvizje politike, që do të mbahet në Maj do ketë një strategji për bashkimin me Kosovën.

Duke folur për bashkëpunimin ekonomik mes Shqipërisë dhe Kosovës, AK shprehet se Shqipëria ka shkelur marrëveshjen për çmimin e referencës, ndërsa theksojnë se është pa kuptim reciproriteti me ekonominë e Kosovës.

"Me këtë akt qeveria Berisha tregoi se është kundër bashkimit. Qeveria shqiptare dhe ajo serbe me politika të njëjta për Kosovën. Ne do të krijojmë ekonomi tregu të përbashkët. Bashkimi me Kosovën është objektiv strategjik”, thuhet në njoftimin e AK.
(ma.ar/BalkanWeb)